ራያ ዩኒቨርሲቲ የመውጫ ፈተና (Exit Exam) ለሚወስዱ የመደበኛ እና ኢ-መደበኛ ተማሪዎች የሞዴል መውጫ ፈተና ሰጠ።

የሞዴል መውጫ ፈተናውን የዩኒቨርሲቲው ከፍተኛና መካከለኛ አመራሮች በቦታው ተገኝተው የተመለከቱት ሲሆን የዩኒቨርሲቲው የአካ/ምር/ቴክ/ሽግ/ማህ/አገ/ ምክትል ፕረዚደንት ነጋ ዓፈራ (ዶ/ር) በሰጡት ማብራሪያ መሰረት ሞዴል ፈተናው ተማሪዎች ከሲስተሙ ጋር በማላመድ ለዋናው መውጫ ፈተና (Exit Exam) ለማዘጋጀት የራስ መተማመን ለማሳደግ እና ጥሩ ውጤት እንዲያስመዘግቡ ያስችላል ብለዋል።

የዩኒቨርሲቲው የፈተናዎች ማስተባበሪያ ማእከል ዳይሬክተር መ/ር ተስፋይ ሃረገወይን እንደገለፁት፤ ጥሩ ውጤት የሚመዘገበው በተማሪዎች የግል ጥረትና በዩኒቨርሲቲው ማህበረሰብ የጋራ ጥረት በመሆኑ ሁሉም የድርሻውን እየተወጣ ይገኛል በማለት አስተባባሪው ለዩኒቨርሲቲው ከፍተኛ አመራሮች፣ ሲስተሙን ላበለፀጉት እና ለሚቆጣጠሩት፣ ፈተናውን ላወጡት እና ላስተባበሩት መምህራን እና ላብ ቴክኒሻኖች አመስግነዋል።

ሞዴል ፈተና የወሰዱት ተማሪዎች በበኩላቸው በዩኒቨርሲቲው የተሰጣቸው ሞዴል መውጫ ፈተና እጅግ መደሰታቸውን ገልፀው ፈተናው ውጤታማና የተሳካ እንደነበር እና ለዋናው መውጫ ፈተና እንዲዘጋጁ ትልቅ ዓቅም እንደፈጠረላቸው ሃሳባቸውን ገልፀዋል።

************//**************************

*********//******************************