በራያ ዩኒቨርሲቲ በተለያየ ደረጃ ለሚገኙ የቤተ-መጻሕፍትና ቤተ-መዛግብት ሰራተኞች መሰረታዊ የቤተ-መጻሕፍት ሳይንስ እና ዲጂታላይዜሽን ስልጠና እየተሰጠ ነው

የስልጠናው ቁልፍ ዓላማ አዳዲስ የቤተ-መጽሐፍትና ቤተ-መዛግብት እውቀት፣ ቴክኖሎጂዎችና ዲጂታላይዜሽን ስርዓት ትግበራ ለማረጋገጥ ነው፡፡

የዩኒቨርሲቲው አካዳሚክ፣ ምርምር፣ ቴክኖሎጂ ሽግግር እና ማህበረሰብ ጉድኝት ምክትል ፕረዚደንት ተወካይ ቀሲስ ንጉስ መሰለ (ዶ/ር) ባደረጉት የመክፈቻ ንግግር ስልጠናው ጥራት ያለው የቤተ-መጻሕፍትና ቤተ-መዛግብት አገልግሎት ለመስጠትና የሰራተኞቻችን ዓቅም ለማሳደግ አስፈላጊ በመሆኑ ሰልጣኞች የሚሰጠውን ስልጠና በንቃት በመሳተፍ የሚጠበቀውን እውቀትና ልምድ በመቅሰም በስራ ቦታ እንዲያውሉ ሃሳባቸውን ገልፀዋል፡፡

የራያ ዩኒቨርሲቲ ቤተ መፃህፍት እና ቤተ መዛግብት ዳይሬክተር መ/ር ተኽሉ ሃ/ኪሮስ ባደረጉት ንግግር ለአስር ተከታታይ ቀናት የሚሰጥ ስልጠና የሰራተኞቻችን ዓቅምና ልዩ ችሎታ ለማሳደግ እንዲሁም መልካም የስራ አካባቢ ለመፍጠር ትልቅ አስተዋፅኦ ይኖረዋል ብለዋል፡፡

ስልጠናውን ከኢትዮጵያ ብሄራዊ ቤተ-መጻሕፍትና ቤተ-መዛግብት ኤጀንሲ የመጡ ባለሙያዎች አቶ እስራኤል ብዙ እና አቶ ስለሺ ወርቁ እየሰጡ ይገኛሉ፡፡

**************************************

****************************************