ከ2016 ዓ/ም ጀምሮ ወደ ዩኒቨርሲቲው በዝውውር እና ቅጥር ለመጡ መምህራን ስልጠና ተሰጠ።

ዩኒቨርሲቲዎች ብቃት ያላቸው እና የሰለጠኑ የሰው ሀይል እንዲያፈሩ የመምህራን ዲሲፕሊን ወሳኝ ስለሆነ በራያ ዩኒቨርሲቲ የስነ ምግባርና መከታተያ ሥራ አስፈፃሚ የተዘጋጀ የአካዳሚክ ሰራተኞች መብት ማስከበርያ፣ የዲሲፕሊን ጥፋት እና ቅጣት አወሳሰን ሥነ ስርዓት የሚደነግግ የዲሲፕሊን ኮድ እና የትምህርት ሙስና (Academic Corruption) ጉዳዮች ስልጠና ከ2016 ዓ/ም ጀምሮ ወደ ዩኒቨርሲቲው በዝውውር እና ቅጥር ለመጡ መምህራን ዛሬ ግንቦት 17/2016 ዓ/ም ተሰጠ።

በስልጠናው የመክፈቻ ንግግር ያደረጉ ዶ/ር ነጋ ዓፈራ (የአካ/ምር/ቴክ/ሽግ/ማህ/አገ ምክ/ፕረዚደንት) የሰለጠነ የሰው ኃይል ለማፍራት፣ ችግር ፈቺ ጥናትና ምርምር ለማካሄድና ሕብረተሰቡን ለማገልገል የመምህራን ሚና ወሳኝ ስለሆነ እያንዳንዱ መምህር የሥራ ድርሻውን በስርዓት መከወን፣ መብትና ግዴታውን በፍጹም የባለቤትነት ስሜትና መልካም ስነ-ምግባር መተግበር፣ ግልጽነት እና ተጠያቂነት ማስፈን ይጠበቅበታል ብለዋል፡፡